Raudt vil ha eit inkluderande og solidarisk fylke. FN har kritisert Noreg for brot på menneskerettskonvensjonen, Raudt har bidratt til at Vestland fylkeskommune no går i spissen for å bote på dette.
Raudt Vestland vil ha mobilt tannhelsetilbod, som kan møte behova i distriktet. Vi må ha fleire tannklinikkar, styrke den offentlege tannhelsetenesta, og tette hulla i velferden.
Raudt vil prioritere rassikring, vegutbetring, styrka kollektivtilbod og trygge liv for alle i heile fylket. Vi meiner fylkeskommunen skal eige og drifte kollektivtilbodet, både på land og til havs.
Raudt vil ha demokratisk kontroll over opplæringstilbodet, og seier nei til private kommersielle skular. Vi prioriterer nærskulen, med gode overganger mellom barneskule, ungdomstrinn og vidaregåande.